الرئيسية
::::::: سعدون يبي وظيفه ::::::
السلام عليكم ورحمة الله وبركاته وترفقوا فيني تكفون ترى من زمان اتابع الشله وكتابها بس اني هالحين جالس ابلع ريقي لان المتابعه غير الكتابه
٠٠٠٠ إيه بس الاكيد عقب ماقالي أبوي طس لاشوف رقعة وجهك إلا وأنت جاي ومكون نفسك قلت أنا خلاص يحرم علي الفنجال وعلوم الرجال ومغازل الجوال والطلعه مع العيال وتشجيع الهلال إلى ماكون نفسي
(( يارجال عين خير بس وش ذا الهياط ))
٠٠٠ المهم يالربع إني قررت أتلها للرياض قلت أنا ولد أبوي بس خلاص الوضع مايستحمل ياأما أصير رجال وأكون ذاتي وإلا الموت أصرفلي [[ أقرب مالها إني بموت ]] ~~ الوكاد إني جمعت أغراضي وملابسي أخذتلي سروالين وفانيلتين وثوبين وأخذت شماغ البسام أخربصمه وغتره بيضا بس من كثر مالبسها صارت صفرا
وانا أفلل الموتر اللي هي الكامري الأ2006 ماغيرها والله وأسلم على أهلي (( رجاء الكلام اللي بقوله الحين إذاجيتو بتقرونه شغلو مقطع صوت حزين علشان تدخلون جو ))
عاد يوم جيت بسافر وأنا أجي أسلم على أهلي فأول واحد سلمت عليه هي أمي عاد ماتمالكت نفسي قلت يمه: تسمحين أروح أبكي بالمطبخ واجي صراحه كنت متأثر وأمي تقول: ياسعدون فرش سنونك قبل ماتنام واستخدم سجنال2 لان الأطباء ينصحون فيه وفرش زين لأن سنونك تجيب الوهم صفرا تقل عليها باتكس فضحتني عند خلق الله وعندجدتك وخالاتك يادافع البلا حتى المسواك ماتعرفه وتسبح لأنك مبطي ماتسبحت (( فعلا أنا ماتسبح إلا من عيد إلى عيد ))
قلت أنا أبشري أبتسبح كل شهرين وأسلم عليها وأروح أسلم على ابوي وأخواني والعائله كلها
المهم وركبت الموتر وأول شي سويته يوم ركبت الكامري شغلتها وأدوووووووس........
وصلت العاصمه بالسلامه الله يسلمكم وأروح لأقرب فندق طبعا لأني ماتعامل مع الشقق فقلت في نفسي مالي إلافندق الفيصليه وأتلها للفندق وأجي وأخذلي غرفه وأنزل أغراضي ويوم جيت بنام
للإزعاج والناس والصراخ قلت أنا وش السالفه خلني أطلع لاتصير حريقه ثم أغدي وطي
والله وأطلع لاالناس تركض والحريم يصارخن قلت خير ياشباب وش السالفه ؟
قالو فيه فار يحوم بالفندق
يالله لك الحمد يارب كل الصراخ ذا علشان فار أجل لو شايفين ضب وش بيصير
عادي حنا هناك بديرتنا الفار إذا شافنا هواللي يصرخ مهو حنا بس مهو منه من اللي جاه والله ياكم حصاة وقعت فوق راسه ..... لكن والله فكره هذا أول
شغل لقيته أشتغل قطو وأتصيد ذا الفيران بس عرضت الموضوع عليهم ماوافقو يقولون شكلك مايساعد لكن إنشاالله حنا مقدمين طلب كلاب بوليسيه للحراسه وفيه واحد مات نوعدك نحطك بمكانه مع إنك منت بوليسي لكن نمشيها
والله وتقفل معي والشر باين في عيوني وصلتH خلاص اقفلت قلت أنا ولد بابي الكلام ذا وشو ؟ تبوني أنا سعدون
أنتظرلين يجون زملاي البوليسين خلوني بلحالي
قال مديرالفندق مدام إن ذااللي
عندك أقول والله إنك لاتنفع تصيركلب ولاقطو
قلت طيب ينفع أصير أسد
(( أوووه عاد أنا شكلي يقارب للأسد بالحيل ))
قال إيه عاد هذا اللي مايحتاج بس أنا أقول لوتاخذ اغراضك وتضف وجهك والله إنه أصرفلنا وأصرفلك
والله ويبرد وجهي كأن واحد ناثر علي ماء بارد في عز المربعانيه إستحيت صراحه وأروح للغرفه وأسحبها نومه للصبح وأنا أقوم من صباح الله وأخذ أغراضي واركب بالكامري وأروح أدورلي على شغل قلت خلاص ياأما حياة تسر الصديق وإلاممات يغيض العدا
(( هالبيت أذكر أخذينه بالنشيد أيام سادس ))
والله وأقعد أدوج في شوارع العاصمه أبيلي شغل طفران وأروح يمين وأروح يسار منا ومنا إلا وشوي وذاك المطعم اللي حاطين إعلان مكتوب فيه:
"" مطلوب يالربع جرسون وسيم مسلم شقردي تكفون عجلو علينا"" وأنا قريت الإعلان وأدوس يمهم قلت حلو أنا الحمدلله مسلم وشقردي بس باقي سيم علشان تكتمل الشروط ...... والله وأدخل للمطعم وأجيهم قلت لوسمحتم انتم حاطين إعلان وأنا تنطبق علي كل الشروط مسلم الصلاة ماتفوتني وإن فاتتني أخذت تكسي ولحقتها ومن ناحية شقردي مايحتاج وأنتم تقولون جرسون وسيم طيب أناالجرسون وهذا السيم
قالو: يابن الحلال حنا نقصد وسيم يعني حلو شخصيه ماهومثلك يادافع البلا مدري من أي كوكب جاي ياخوي أحد قايلك إنا طالبين تمساح لتخويف الزبائن...قلت يالربع والله إني شقردي أعجبكم أنتم بس جربوني وشوفو
بعينكم... ويقعدون يفكرون قالوخلاص تجي باكر الساعه ثمان الصباح علشان تبدا الشغل قلت أنا خلاص
المهم يوم جت الساعه تسع وأنا أجيهم (( والله لوأن المطعم باسم أبوك ))
وأطق البدله حقت الشغل ونرتب المطعم والطاولات وأنا مستانس بالبدله وكل خمس دقايق أقف قدام المرايه أشوف نفسي ((عاد والله لوإنها بدلة ريال مدريد)) ويوم جت الساعه عشر ونفتح المطعم والناس يالله لاتبلانا تقل ماعندهم بيوت واحد ورى الثاني وأناماشاالله علي شايفن شغلي رايح جاي على عماها أي صحن قدامي أخذه لوأنه سم عادي ماتفرق معي ياناس علي الحرام إني دلخ ويناديني واحد من الزبائن قال ياصديق ياهيه !
وألتفت يمه قلت خير ياقوطي الببسي أنت وش تبي ؟
((ألعن أم الأخلاق))
قال ماشاالله أنت سعودي؟
قلت لاوالله أسباني بس أستهبل يعني وش رايك؟
قال لاحقيقه أنت سعودي؟
قلت أبك إيه سعودي ليه حرام؟
قال لامكروه هاها
قلت ياولد ياثقل دمك بس بعدين ترى حدك الأتماني باقيله خمسين ريال وينتهي يعني ورى ماتعلمني وش طلبك لافي ذمتي يجيك الكاتشب اللي قدامك يمشي طبلونه
قال طيب بالله أبي تجيبلي معكرونه وسلطه وعصيرفراوله
قلت ياولد أبجيبلك رز المعكرونه ماحبها بعدين الفراوله تخلي فمك أحمر وش رايك اجيبلك برتقال ؟
(( والله لوتاكل عنه أحسن ))
قال ياخي اللي بياكل أنا وإلاأنت...قلت أقول قسم بالله إن ماغيرت طلبك إني لحطلك سم بالمعكرونه وأخليك شهرين منوم بالمستشفى
المهم إنه بلع العافيه وقال خلاص هات رز براحتك
والله وأروح وأجيبله مرقوق
قال سلامات يالحبيب وش ذا؟
قلت له وش رايك أندومي هذامرقوق...قال أدري إنه مرقوق بس أناماطلبته
قلت أقول أنت تبي معكرونه وأنا أبي رز فقلت خلني أجيب مرقوق علشان ماحد يزعل
قال والله الشرهه على اللي شغلك أنت عامل بلديه ويخب
والله وأقوم أنا خلاص تهورت أوووه عاد أنا لاتهورت زورو بين يديك ماأرحم والله وأسل السيف أي سيف قصدي وأنا أجمع ذا الصحون والكاسات كل أبوهن وططططططععععع
على راسه ويقعد يصايح والعالم تجمعت وجا صاحب المطعم قال قسم بالله لو أشوفك داخلن ذا المطعم إني لبلغ عنك الهيئه رح جمع أغراضك ولاعاد أشوفك
قلت أفا طيب عطني الراتب.....
(( قايلك من قبل والله لوأن المطعم باسم أبوك ))
إيه المهم إني قضبت الباب كرت أحمر والله وأطلع قلت لازم أحصلي شغل غيره اليوم وإلاأني باكل تبن
وأدووووس للكامري وأروح للملز والنهضه والروضه وهناك ومناك إلأوذاك الأستريو تسجيلات حاطين إعلان: " ياولد نبالنا واحدن صايع مافيه أغنية ماسمعها علشان يبيع بالمحل "
المهم وأنا أجيهم قلت يالربع أنتم حاطين لكم إعلان تبون واحد يبيع بالمحل؟
قالو إيه !!!
قلت ألعن أم الإعلان اللي تعرفونه (( والله من اللقافه يارياجيل)) الوكاد قالولي أنت بتشتغل وإلا لا ؟ قلت أفا عليكم إيه بشتغل
المهم جيت من اليوم الثاني وأستلمت الشغل (عاد من زين هالشغل) وتمرالأيام وكذا مره بغيت أنطرد مره يجيني ورع يقولي أبي راشد الماجد أخرشريط...قلت وش رايك أعطيك اللي قبل الأخير فيه أغنيه تعجبني (( انا ودي أعرف من اللي بيسمع الشريط أنت وإلا هو ))
ويصارخ ويهايط ،،، قلت أقول ترى حدك ياطيبه وتخب
ومره يجيني شايب خالص يقولي أبي فهد السعيد شريطه الجديد،،،،،والله النشبه منين أجيبلك شريطه الجديد،،، قال جبه لي مثل الرياجيل
قلت أبك فهدالسعيد ميت جعلك تلحقه ،،، قال أفا اجل بوس الواوا من يغنيها...قلت الله يرجك مهو فهدالسعيد اللي يغني بوس الواوا هذي رابح صقر اللي يغنيها المهم كلمه منه وكلمه مني قلت نعنبوك أنت رجل بالدنيا ورجل بالأخره وش تبي في بوس الواوا يارجال ضف وجهك لاتموت عندنا رح مت عندأهلك
والله وشوي ويقعد يشاهق وعيونه تطاير قلت أبك أنت وش فيك ؟ قال ابك الظاهر إني بموت مير غيرت رايي عطني السديس أخرمانزل
(( لاوالله حباب ذا الشايب ))
والله وأعطيه حورنيات ويستانس ويركب قرمبعه ويسحب جلنط وتطفي سيارته ويناديني وأجيه قلت نعنبوحيك أنت مراهق عمرك70وتسحب جلنطات ولابعد تبي بوس الواوا قسم بالله لاعلم أبوك
(( إيه عاد أبوه تلقاه صار بترول )) وأدف سيارته وماشتغلت قلت ياشيبة عرعر أنت سيارتك خربت لاكن دقها كعابي،،،، قال طيب بالله طلعلي المسجل خرمان حيل
(( لابالله حباب وحشاش ومعطبها بقووووه))
قلت ياجدالشباب ترى والله مانيب فاضيلك وأنا أدقها ريوس للمحل وأستقبل الزباين اللي يبي شريط خالد وأعطيه فارس واللي يبي أشرطة شعر ياسرالتويجري وأعطيه حامد زيد مره من جنبها ومره من المرات وأنا متكي بالمحل وقاعدن أغازل بالجوال والبطاقه بيدي داخلن جو بشحن للبنت اللي أكلمها وفجأه إلا وهاك الثنين اللي شوي وثيابهم بتقطع من الضيق وهم يدخلون للمحل ويجون عندي قال واحدن منهم : هآي
وأنا أقعد أناظر تحت
قال وش فيك تناظر تحت؟
قلت لاأبد بس أدور الترجمه
والله ويقعدون يضحكون شوي قالو والله إنك نكته
قلت والله وأنتم سالفه بايخه بس الدعوه وشي وشوطلبكم؟
قالو بالله نبي شريط جوجو
أفا منهو جوجوذا توهقت الحين أسألهم منهو بيضحكون قلت بس لقيتها وأنا أقولهم ماتبون توتو؟
قالو منهو ذا ؟
قلت أفا ماتعرفونه علموني بجوجو وأعلمكم منهو توتو ؟
قالو ياخي جوجو جواد العلي بس أنت توتو ذا وشو؟
لاوالله إني توهقت وش أقولهم هالحين وأناظربهم شوي قلت أفا ماعرفتو من أقصد يوم أقول توتو
قالو لا طيب منهو؟
قلت ياخوي توتو مخاوي الليل
قالو منهو مخاوي الليل ذا؟
قلت أبكم مخاوي هو فارس
قالو فارس مين؟
قلت فارس عبده ماعرفتوه؟
((كذا بس أبنسيهم الموضوع))
شوي إلاوجاي واحد داخل عرض يقولي يارجال لاتصرف الموضوع منهو توتو؟
قلت خير يابوشنب كم قطتك أنت؟ قال خمسه ريال بروح اجيبها الحين بس منهو توتو؟
(( يستخف دمه ذا وإلايتكلم من جد)) وشوي ويتجمعون كل اللي بالمحل ويتصلون على صاحب التسجيلات والله ويجي وكبرت السالفه وصاحب المحل يقول إذا ماقلتلي منهو توتو ذا بفصلك..
لاوالله النشبه وش أقول هالحين وأقعد أفكر شوي قلت ياناس توتوذا خالد عبدالرحمن وهذا الدلع حقه
[شكل أبونايف بيزعل علينا]
((أقول على الأقل جوجو ماشيه مع جواد لكن وش جاب توتو مع خالد صدق إنك طعس ماتعرف تدلع))
وأبد الله لايوريكم انا علمتهم بتوتو وهم قضبوني الباب
يقولون مالك مقعاد هنيا
هذي والله البلشه وش السوات يالربع الدعوه ماتستحمل إن مالقيت شغل رحت فيها قلت ياولد خلني ادق على واحدن من الربع إسمه"حمود"يشوفلي حل والله وادق على جواله:
قلت: هلاحمود
قال: حمود مين والناس نايمين
قلت: فيه غيرك ياتيس بدون قرون
قال: طيب وأنت من أنت؟
قلت: أنا سعدون سلامات ماعرفتني
قال: ياليل الليل أكيد تبي رقم بنت
قلت: ياولد أبي تدورلي شغل عندك ترى حدي طفران
المهم طال الكلام وبالنهايه لقالي شغل بالإتصالات أول شي بال902 خدمة العملاء
وأرد على المتصلين
مره يدق علي واحد وأرد أقول
جوال سعدون ابو عيون السلام عليكم
قال وعليكم السلام ممكن تعيد تشغيل جوالي خدمه
عاد أنا بذاك الوقت ماسكتن غلط قلت ياخوي أنت فاتورتك ألف ريال ولهالحين تبي تكلم أرحم أبوك ياخي
بعدين هالحين الساعه ثلاث الفجر من تبي تكلم دق علينا باكرالعصر وأشوف أنا أشغله لك وإلا لا....وعقبها حولوني 905 بالإستعلامات وأنواع الفله لكن مامداني توظفت لي يومين إلاوهم طارديني لاني كل مادق علي واحد وقالي أبي رقم فلان أقوله وش تبي فيه ((والله من اللقافه)) ألين ملو مني وطردوني على برا ياليل ماطولك لي أسبوعين بالرياض ومالقيت شغل لاوالله البلشه ولابعد حياة تسرالصديق إيه يجي مطر
المهم قلت خلني أدور في ذا الجرايد يمكن أحصل شغل وأقعد اجمع جرايد المملكه كلها وأدوربها أول إعلان لقيته مكتوب مطلوب سكرتيره حلوه معها لغةE
قلت أخ يالقهر الوظيفه هذي تصلحلي بس السبب الوحيد اللي يمنعني إن مامعي لغه
(( يابوالشباب أول سبب إنك منت بسكرتيره ))
والله وأقعد أدور أدور وفجأه جت عيني على أعلان مكتوب فيه " أبوحنش لبيع حبوب بنادول وفيفادول وغيرها"
وليت الإعلان بس كذا لاأخونا بالله كاتب بين قوسين
((اللي خبري خبركم))
قصده حشيش ومسويلي فيها تمويه أول مره أشوف بنادول يباع برى الصيدليات
والله وأطنش ذا الإعلان وأدور غيره إلا وهاك الإعلان اللي مدري من حاطه مكتوب فيه:
"مطلوب دكتور يجيد الحلاقه ومعه شهادة الكفاءه للعمل في رعي الأبل"
قلت ذا ماهو إعلان هذا معادله كيميائيه والله وتندبل تسبدي من ذا الإعلانات قلت بس مالهاإلا سنايدي فيه غيره حمود
والله وأطلع الجوال برج العرب مشتريه جديد لأن الطفره خلتني أبيع الدمعه
المهم دقيت ورد حمود
قلت: هلا ياتيس بدون قرون
قال: هلا ياضب بدون عكره
قلت: حمود لك وإلا للذيب
قال: لاللذيب ليه
قلت: أخس يالرخمه أبك علي الحرام إن فنجالك مهومشروب
((مدري وش دخلهاذي الحين))
قال: ياولد أنت ماتعرف إلا أنا ياخوي مشاركني بحياتي
قلت: يابن الحلال الصديق وقت الضيق ووقتي حدني عليك أنت وأشكالك
...والله ويقوم حمود هوفيه هياط شوي قال أفا عليك بس آمر وأنا جيك أطامر
قلت ليه يالحبيب أرنب أنت يوم تطامر أناكل اللي أبيه تدورلي أي شغل أي شي
قال حمود خلاص أنا واحد من اللي أعرفهم بالدفاع المدني يبي واحدن زلابة مثلك تكملت عدد بس علشان تسوق فيهم الموتر،،،،قلت ماهي مشكله وأحد لاقي الوظايف الايام ذي المهم يوم أنتهينا وعلمني متى أروح والموعد
قلتله أسمع تراي غيرت جهازي
قال بوبو طيب وش تبيني أسويلك؟
قلت لا بس أعلمك إذا بغيتني بشي دق على برج العرب لاتدق على الدمعه لأني بايعه على واحد ثاني
(( يلعن أم أبو جد الدلاخه يارياجيل والله لويوظفونك جحا أصرفلك مع أن جحا أذكى شوي ))
المهم إني توكلت على الله ورحت للدفاع المدني وجيتهم ولبسوني بدله أحسن من حقت المطعم اللي أول وأنا وجهي بيتشقق من الوناسه اللي يشوفني يقول لوا بالطيران وإلابالبحريه مع أني والله مع جنبها حتى رتبه عسكريه ماعطوني يعني بالعربي صفرعلى الشمال بس خلني ساكت أحسن لايقضبوني الباب والله وأفلها لاحرايق يالله لك الحمد ولاشي قاعدن عند هالتلفون واستقبل إتصالات هالناس اي بنت تدق علي أقولها شوفي ممكن نتعرف وإلا انثبري محد جايك
وأووووه ياكثرهم اللي شبكت معهم ومره وحده تدق تقول تكفون تعالوأنقذوني بسرعه النارمن كل الجهات دقيقتين وأنتم عندي
قلت أي دقيقتين اللي معنا وايت مهو فيراري
ومره يدق علي واحد الفجر يقولي ياولد بيتنا أنحرق عجلو علينا واللي يرحم والديك ،،، قلت ياخوي أسمحلي هذا يومك خل إيمانك قوي بعدين وأنت لاقيها تموت شهيد (( أقولكم الظاهر نص المملكه ولعت والسبب أنا )) ولابعد مره من المرات وأنا في عزالنوم إلا الجرس يدق حق الحريق عندنا بالمبنى حق الدفاع والله ويقوموني قلت سلامات
قالو قم ياعنز ماتشوف النار
إلاوالنار مشتعله في كل المبنى وأنا اجيك أمشي طبلوني للتلفون قالو أخوياي وين بتروح أنت؟
قلت ولايهمكم أنا بدق على الدفاع المدني يجي
قالو سلامات يالثور حنا الدفاع المدني
قلت يلعن شكلكم كيف جيتو قبل مادق عليكم
(( د ل خ * 6 6 6 ))
والله ويناظرون في وقالو بالله أنت خبل وإلاشكلك كذا
قلت لاوالله أمي تقول شكلي كذا بس ليش؟
والله ويطنشوني ويطفون النار وتعود المياه لمجاريها
وكل شي يرجع لمحله
المهم عقب أسبوع من هالحادثه كنت أنا جالس ومروق وأغازل بالجوال داخلن جو ومعي بطاقة سوا بشحن للبنت اللي أكلمها على فكره تراها نفس البنت اللي أول الوكاد وأنا أكلمها فجأه إلاوجايني واحد من أخوياي قال أبك قم فيه بيت يحترق بجنبنا وأنت قاعد
وأنا أقول للبنت اللي أكلمها الظاهر إنك نحس كل ماجيت بشحنلك جتني مشكله قلت بس يالله إنقلعي والله وأسكر بوجهها وأنا أركب بالوايت حق الإطفاء وأدوووس والله بغيت اجيبه على البيبان بس قلت مهو وقته والله يوم جينا عند البيت لاهو صاير بيت على الفحم الظاهر أهل ذا البيت يتسبحون في بنزين
وأنا أنزل وأخوياي ولا صاحبة البيت عجوز خالصه وهي تصايح وتنادي قلت ياخاله لاتخافي لاتخافي نحن أبطال المطافي،...وهي تلتفت يمي العجوز وقالت والله والكوبه وإذا صرتو أبطال المطافي عاد والله لوإنكم أبطال الديجتال (( أهب ياهالعجوز مهي سهله ملكعه بقوه ))
قلت أحلا راعية افلام كرتون والله وأنا أطلع خمسه ريال وأعطيها واحد من اللي معنا قلت بالله رح جب ماء من البقاله عشان نلحق البيت لاينحرق كله (( بيت تبي تطفيه بماء صحه ماتحس إنها قويه شوي)) والله ويناظرون في الشباب وقالو أجل وها"اللي" اللي طوله مترين وشوله عشان يجيب الإف الأم
قلت لا بس أنا أحسبه للتليفون
(( أنا جبت العيد ))
الوكاد إن الرياجيل طفو النار وأنا زلابة رايح للبقاله بشتري بطاقة شحن لأن خويتي دقت علي (( وش ذا الخويه اللي ماتدق إلا بالمصايب ))
ومن عقبها أنواع الطلاب والهواش والتصفيق من أخوياي ومن مديرالدفاع ومن حمود بعد ماش فشلتهم كلهم عز الله إني ماني بوجه شغل أنا قايل من قبل أقرب مالها إني بموت والله وأتلها للديره
خلاص مالي وجه أقعد هنا
المهم إني يوم وصلت وأسلم على أهلي وأبوي ثم قال هاه بشر وش جبت معك
قلت هاك يايبه هذي80ألف كل الذي جبته ((منين جبتهم))
والله ويطيرون بالعجه أهلي وأبوي خلاص مايشوف أحد مثلي يقول كفو ياسعدون طول عمري أقول إنك ذيب
إيه الوكاد إني رحت لغرفتي ومعي بطاقة بشحن لخويتي اللي أول لاكن مامداني جلست وكشطت الرقم حق البطاقه إلا وأبوي داخلن علي يطالب ماشاالله أثرك بايع الموتر يمال الماحي وأنا أقول ذيب وأعرفه تخسى أنت حصني ويخب عليك يالفار
قلت يلعن أم البنت اللي كل ماجيت بشحنلها تصيرلي مشكله
قال أبوي أي بنت ؟
قلت مهو شغلك خل اللقافه عنك بعدين تراها عيب ماعلمك جدي بعدين يايبه يعني اكيد بايع الموتر أجل مشارك في سباق المشاهدين
المهم إن أبوي قلبها دبليوإف مصارعه على الطبيعه
وتصفيق وتلفيع وفجأه!!
بدون مقدمات
جا حمود خويي يقول نعنبو دارك شهرين أكلمك ولهالحين ماشحنتلي أنت وأبوك ياخوي اشحنولي وبعدين سوو اللي تبووووون؟
أفا أثره البنت اللي أكلمهاوأنا أقول ليه البنت ذي ماتدق إلا بالمصايب ولابعد يخوني مع أبوي والله وألتفت على ماي فاذر قلت يبه أنا وأخوي على ابن عمي وأنا وابن عمي على الغريب
شرايك نفحط بوجهه؟
قال أبوي أقول أنت وأخوك وابن عمك كلكم على تبن
والله ويتفل بوجهي ويطلع ((أفا بس يايبه راعي بنات الظاهر جدي ماعلمك مثلك يومنك ماعلمتني))
المهم وانا أروح أغسل وقلت لحمود خلاص ولايهمك بشحنلك انا تستاهل ياتيس بدون قرون
قال شكرا ياضب بدون عكره
المهم يوم جيت بشحنله
لا أمي داخلتن علي تقول ماشاالله أنا بالغصب تسلم علي والشغاله تدورها دوره
هذا اللي أنت جيدن فيه حبحبت الشغالات...
بس لحظه قبل ماتصفقني أمي أي واحد معه بطاقه يشحن لحمود.....
(عشره تكفي ترى هذا حده)
السلام عليكم ورحمة الله وبركاته وترفقوا فيني تكفون ترى من زمان اتابع الشله وكتابها بس اني هالحين جالس ابلع ريقي لان المتابعه غير الكتابه
٠٠٠٠ إيه بس الاكيد عقب ماقالي أبوي طس لاشوف رقعة وجهك إلا وأنت جاي ومكون نفسك قلت أنا خلاص يحرم علي الفنجال وعلوم الرجال ومغازل الجوال والطلعه مع العيال وتشجيع الهلال إلى ماكون نفسي
(( يارجال عين خير بس وش ذا الهياط ))
٠٠٠ المهم يالربع إني قررت أتلها للرياض قلت أنا ولد أبوي بس خلاص الوضع مايستحمل ياأما أصير رجال وأكون ذاتي وإلا الموت أصرفلي [[ أقرب مالها إني بموت ]] ~~ الوكاد إني جمعت أغراضي وملابسي أخذتلي سروالين وفانيلتين وثوبين وأخذت شماغ البسام أخربصمه وغتره بيضا بس من كثر مالبسها صارت صفرا
وانا أفلل الموتر اللي هي الكامري الأ2006 ماغيرها والله وأسلم على أهلي (( رجاء الكلام اللي بقوله الحين إذاجيتو بتقرونه شغلو مقطع صوت حزين علشان تدخلون جو ))
عاد يوم جيت بسافر وأنا أجي أسلم على أهلي فأول واحد سلمت عليه هي أمي عاد ماتمالكت نفسي قلت يمه: تسمحين أروح أبكي بالمطبخ واجي صراحه كنت متأثر وأمي تقول: ياسعدون فرش سنونك قبل ماتنام واستخدم سجنال2 لان الأطباء ينصحون فيه وفرش زين لأن سنونك تجيب الوهم صفرا تقل عليها باتكس فضحتني عند خلق الله وعندجدتك وخالاتك يادافع البلا حتى المسواك ماتعرفه وتسبح لأنك مبطي ماتسبحت (( فعلا أنا ماتسبح إلا من عيد إلى عيد ))
قلت أنا أبشري أبتسبح كل شهرين وأسلم عليها وأروح أسلم على ابوي وأخواني والعائله كلها
المهم وركبت الموتر وأول شي سويته يوم ركبت الكامري شغلتها وأدوووووووس........
وصلت العاصمه بالسلامه الله يسلمكم وأروح لأقرب فندق طبعا لأني ماتعامل مع الشقق فقلت في نفسي مالي إلافندق الفيصليه وأتلها للفندق وأجي وأخذلي غرفه وأنزل أغراضي ويوم جيت بنام
للإزعاج والناس والصراخ قلت أنا وش السالفه خلني أطلع لاتصير حريقه ثم أغدي وطي
والله وأطلع لاالناس تركض والحريم يصارخن قلت خير ياشباب وش السالفه ؟
قالو فيه فار يحوم بالفندق
يالله لك الحمد يارب كل الصراخ ذا علشان فار أجل لو شايفين ضب وش بيصير
عادي حنا هناك بديرتنا الفار إذا شافنا هواللي يصرخ مهو حنا بس مهو منه من اللي جاه والله ياكم حصاة وقعت فوق راسه ..... لكن والله فكره هذا أول
شغل لقيته أشتغل قطو وأتصيد ذا الفيران بس عرضت الموضوع عليهم ماوافقو يقولون شكلك مايساعد لكن إنشاالله حنا مقدمين طلب كلاب بوليسيه للحراسه وفيه واحد مات نوعدك نحطك بمكانه مع إنك منت بوليسي لكن نمشيها
والله وتقفل معي والشر باين في عيوني وصلتH خلاص اقفلت قلت أنا ولد بابي الكلام ذا وشو ؟ تبوني أنا سعدون
أنتظرلين يجون زملاي البوليسين خلوني بلحالي
قال مديرالفندق مدام إن ذااللي
عندك أقول والله إنك لاتنفع تصيركلب ولاقطو
قلت طيب ينفع أصير أسد
(( أوووه عاد أنا شكلي يقارب للأسد بالحيل ))
قال إيه عاد هذا اللي مايحتاج بس أنا أقول لوتاخذ اغراضك وتضف وجهك والله إنه أصرفلنا وأصرفلك
والله ويبرد وجهي كأن واحد ناثر علي ماء بارد في عز المربعانيه إستحيت صراحه وأروح للغرفه وأسحبها نومه للصبح وأنا أقوم من صباح الله وأخذ أغراضي واركب بالكامري وأروح أدورلي على شغل قلت خلاص ياأما حياة تسر الصديق وإلاممات يغيض العدا
(( هالبيت أذكر أخذينه بالنشيد أيام سادس ))
والله وأقعد أدوج في شوارع العاصمه أبيلي شغل طفران وأروح يمين وأروح يسار منا ومنا إلا وشوي وذاك المطعم اللي حاطين إعلان مكتوب فيه:
"" مطلوب يالربع جرسون وسيم مسلم شقردي تكفون عجلو علينا"" وأنا قريت الإعلان وأدوس يمهم قلت حلو أنا الحمدلله مسلم وشقردي بس باقي سيم علشان تكتمل الشروط ...... والله وأدخل للمطعم وأجيهم قلت لوسمحتم انتم حاطين إعلان وأنا تنطبق علي كل الشروط مسلم الصلاة ماتفوتني وإن فاتتني أخذت تكسي ولحقتها ومن ناحية شقردي مايحتاج وأنتم تقولون جرسون وسيم طيب أناالجرسون وهذا السيم
قالو: يابن الحلال حنا نقصد وسيم يعني حلو شخصيه ماهومثلك يادافع البلا مدري من أي كوكب جاي ياخوي أحد قايلك إنا طالبين تمساح لتخويف الزبائن...قلت يالربع والله إني شقردي أعجبكم أنتم بس جربوني وشوفو
بعينكم... ويقعدون يفكرون قالوخلاص تجي باكر الساعه ثمان الصباح علشان تبدا الشغل قلت أنا خلاص
المهم يوم جت الساعه تسع وأنا أجيهم (( والله لوأن المطعم باسم أبوك ))
وأطق البدله حقت الشغل ونرتب المطعم والطاولات وأنا مستانس بالبدله وكل خمس دقايق أقف قدام المرايه أشوف نفسي ((عاد والله لوإنها بدلة ريال مدريد)) ويوم جت الساعه عشر ونفتح المطعم والناس يالله لاتبلانا تقل ماعندهم بيوت واحد ورى الثاني وأناماشاالله علي شايفن شغلي رايح جاي على عماها أي صحن قدامي أخذه لوأنه سم عادي ماتفرق معي ياناس علي الحرام إني دلخ ويناديني واحد من الزبائن قال ياصديق ياهيه !
وألتفت يمه قلت خير ياقوطي الببسي أنت وش تبي ؟
((ألعن أم الأخلاق))
قال ماشاالله أنت سعودي؟
قلت لاوالله أسباني بس أستهبل يعني وش رايك؟
قال لاحقيقه أنت سعودي؟
قلت أبك إيه سعودي ليه حرام؟
قال لامكروه هاها
قلت ياولد ياثقل دمك بس بعدين ترى حدك الأتماني باقيله خمسين ريال وينتهي يعني ورى ماتعلمني وش طلبك لافي ذمتي يجيك الكاتشب اللي قدامك يمشي طبلونه
قال طيب بالله أبي تجيبلي معكرونه وسلطه وعصيرفراوله
قلت ياولد أبجيبلك رز المعكرونه ماحبها بعدين الفراوله تخلي فمك أحمر وش رايك اجيبلك برتقال ؟
(( والله لوتاكل عنه أحسن ))
قال ياخي اللي بياكل أنا وإلاأنت...قلت أقول قسم بالله إن ماغيرت طلبك إني لحطلك سم بالمعكرونه وأخليك شهرين منوم بالمستشفى
المهم إنه بلع العافيه وقال خلاص هات رز براحتك
والله وأروح وأجيبله مرقوق
قال سلامات يالحبيب وش ذا؟
قلت له وش رايك أندومي هذامرقوق...قال أدري إنه مرقوق بس أناماطلبته
قلت أقول أنت تبي معكرونه وأنا أبي رز فقلت خلني أجيب مرقوق علشان ماحد يزعل
قال والله الشرهه على اللي شغلك أنت عامل بلديه ويخب
والله وأقوم أنا خلاص تهورت أوووه عاد أنا لاتهورت زورو بين يديك ماأرحم والله وأسل السيف أي سيف قصدي وأنا أجمع ذا الصحون والكاسات كل أبوهن وططططططععععع
على راسه ويقعد يصايح والعالم تجمعت وجا صاحب المطعم قال قسم بالله لو أشوفك داخلن ذا المطعم إني لبلغ عنك الهيئه رح جمع أغراضك ولاعاد أشوفك
قلت أفا طيب عطني الراتب.....
(( قايلك من قبل والله لوأن المطعم باسم أبوك ))
إيه المهم إني قضبت الباب كرت أحمر والله وأطلع قلت لازم أحصلي شغل غيره اليوم وإلاأني باكل تبن
وأدووووس للكامري وأروح للملز والنهضه والروضه وهناك ومناك إلأوذاك الأستريو تسجيلات حاطين إعلان: " ياولد نبالنا واحدن صايع مافيه أغنية ماسمعها علشان يبيع بالمحل "
المهم وأنا أجيهم قلت يالربع أنتم حاطين لكم إعلان تبون واحد يبيع بالمحل؟
قالو إيه !!!
قلت ألعن أم الإعلان اللي تعرفونه (( والله من اللقافه يارياجيل)) الوكاد قالولي أنت بتشتغل وإلا لا ؟ قلت أفا عليكم إيه بشتغل
المهم جيت من اليوم الثاني وأستلمت الشغل (عاد من زين هالشغل) وتمرالأيام وكذا مره بغيت أنطرد مره يجيني ورع يقولي أبي راشد الماجد أخرشريط...قلت وش رايك أعطيك اللي قبل الأخير فيه أغنيه تعجبني (( انا ودي أعرف من اللي بيسمع الشريط أنت وإلا هو ))
ويصارخ ويهايط ،،، قلت أقول ترى حدك ياطيبه وتخب
ومره يجيني شايب خالص يقولي أبي فهد السعيد شريطه الجديد،،،،،والله النشبه منين أجيبلك شريطه الجديد،،، قال جبه لي مثل الرياجيل
قلت أبك فهدالسعيد ميت جعلك تلحقه ،،، قال أفا اجل بوس الواوا من يغنيها...قلت الله يرجك مهو فهدالسعيد اللي يغني بوس الواوا هذي رابح صقر اللي يغنيها المهم كلمه منه وكلمه مني قلت نعنبوك أنت رجل بالدنيا ورجل بالأخره وش تبي في بوس الواوا يارجال ضف وجهك لاتموت عندنا رح مت عندأهلك
والله وشوي ويقعد يشاهق وعيونه تطاير قلت أبك أنت وش فيك ؟ قال ابك الظاهر إني بموت مير غيرت رايي عطني السديس أخرمانزل
(( لاوالله حباب ذا الشايب ))
والله وأعطيه حورنيات ويستانس ويركب قرمبعه ويسحب جلنط وتطفي سيارته ويناديني وأجيه قلت نعنبوحيك أنت مراهق عمرك70وتسحب جلنطات ولابعد تبي بوس الواوا قسم بالله لاعلم أبوك
(( إيه عاد أبوه تلقاه صار بترول )) وأدف سيارته وماشتغلت قلت ياشيبة عرعر أنت سيارتك خربت لاكن دقها كعابي،،،، قال طيب بالله طلعلي المسجل خرمان حيل
(( لابالله حباب وحشاش ومعطبها بقووووه))
قلت ياجدالشباب ترى والله مانيب فاضيلك وأنا أدقها ريوس للمحل وأستقبل الزباين اللي يبي شريط خالد وأعطيه فارس واللي يبي أشرطة شعر ياسرالتويجري وأعطيه حامد زيد مره من جنبها ومره من المرات وأنا متكي بالمحل وقاعدن أغازل بالجوال والبطاقه بيدي داخلن جو بشحن للبنت اللي أكلمها وفجأه إلا وهاك الثنين اللي شوي وثيابهم بتقطع من الضيق وهم يدخلون للمحل ويجون عندي قال واحدن منهم : هآي
وأنا أقعد أناظر تحت
قال وش فيك تناظر تحت؟
قلت لاأبد بس أدور الترجمه
والله ويقعدون يضحكون شوي قالو والله إنك نكته
قلت والله وأنتم سالفه بايخه بس الدعوه وشي وشوطلبكم؟
قالو بالله نبي شريط جوجو
أفا منهو جوجوذا توهقت الحين أسألهم منهو بيضحكون قلت بس لقيتها وأنا أقولهم ماتبون توتو؟
قالو منهو ذا ؟
قلت أفا ماتعرفونه علموني بجوجو وأعلمكم منهو توتو ؟
قالو ياخي جوجو جواد العلي بس أنت توتو ذا وشو؟
لاوالله إني توهقت وش أقولهم هالحين وأناظربهم شوي قلت أفا ماعرفتو من أقصد يوم أقول توتو
قالو لا طيب منهو؟
قلت ياخوي توتو مخاوي الليل
قالو منهو مخاوي الليل ذا؟
قلت أبكم مخاوي هو فارس
قالو فارس مين؟
قلت فارس عبده ماعرفتوه؟
((كذا بس أبنسيهم الموضوع))
شوي إلاوجاي واحد داخل عرض يقولي يارجال لاتصرف الموضوع منهو توتو؟
قلت خير يابوشنب كم قطتك أنت؟ قال خمسه ريال بروح اجيبها الحين بس منهو توتو؟
(( يستخف دمه ذا وإلايتكلم من جد)) وشوي ويتجمعون كل اللي بالمحل ويتصلون على صاحب التسجيلات والله ويجي وكبرت السالفه وصاحب المحل يقول إذا ماقلتلي منهو توتو ذا بفصلك..
لاوالله النشبه وش أقول هالحين وأقعد أفكر شوي قلت ياناس توتوذا خالد عبدالرحمن وهذا الدلع حقه
[شكل أبونايف بيزعل علينا]
((أقول على الأقل جوجو ماشيه مع جواد لكن وش جاب توتو مع خالد صدق إنك طعس ماتعرف تدلع))
وأبد الله لايوريكم انا علمتهم بتوتو وهم قضبوني الباب
يقولون مالك مقعاد هنيا
هذي والله البلشه وش السوات يالربع الدعوه ماتستحمل إن مالقيت شغل رحت فيها قلت ياولد خلني ادق على واحدن من الربع إسمه"حمود"يشوفلي حل والله وادق على جواله:
قلت: هلاحمود
قال: حمود مين والناس نايمين
قلت: فيه غيرك ياتيس بدون قرون
قال: طيب وأنت من أنت؟
قلت: أنا سعدون سلامات ماعرفتني
قال: ياليل الليل أكيد تبي رقم بنت
قلت: ياولد أبي تدورلي شغل عندك ترى حدي طفران
المهم طال الكلام وبالنهايه لقالي شغل بالإتصالات أول شي بال902 خدمة العملاء
وأرد على المتصلين
مره يدق علي واحد وأرد أقول
جوال سعدون ابو عيون السلام عليكم
قال وعليكم السلام ممكن تعيد تشغيل جوالي خدمه
عاد أنا بذاك الوقت ماسكتن غلط قلت ياخوي أنت فاتورتك ألف ريال ولهالحين تبي تكلم أرحم أبوك ياخي
بعدين هالحين الساعه ثلاث الفجر من تبي تكلم دق علينا باكرالعصر وأشوف أنا أشغله لك وإلا لا....وعقبها حولوني 905 بالإستعلامات وأنواع الفله لكن مامداني توظفت لي يومين إلاوهم طارديني لاني كل مادق علي واحد وقالي أبي رقم فلان أقوله وش تبي فيه ((والله من اللقافه)) ألين ملو مني وطردوني على برا ياليل ماطولك لي أسبوعين بالرياض ومالقيت شغل لاوالله البلشه ولابعد حياة تسرالصديق إيه يجي مطر
المهم قلت خلني أدور في ذا الجرايد يمكن أحصل شغل وأقعد اجمع جرايد المملكه كلها وأدوربها أول إعلان لقيته مكتوب مطلوب سكرتيره حلوه معها لغةE
قلت أخ يالقهر الوظيفه هذي تصلحلي بس السبب الوحيد اللي يمنعني إن مامعي لغه
(( يابوالشباب أول سبب إنك منت بسكرتيره ))
والله وأقعد أدور أدور وفجأه جت عيني على أعلان مكتوب فيه " أبوحنش لبيع حبوب بنادول وفيفادول وغيرها"
وليت الإعلان بس كذا لاأخونا بالله كاتب بين قوسين
((اللي خبري خبركم))
قصده حشيش ومسويلي فيها تمويه أول مره أشوف بنادول يباع برى الصيدليات
والله وأطنش ذا الإعلان وأدور غيره إلا وهاك الإعلان اللي مدري من حاطه مكتوب فيه:
"مطلوب دكتور يجيد الحلاقه ومعه شهادة الكفاءه للعمل في رعي الأبل"
قلت ذا ماهو إعلان هذا معادله كيميائيه والله وتندبل تسبدي من ذا الإعلانات قلت بس مالهاإلا سنايدي فيه غيره حمود
والله وأطلع الجوال برج العرب مشتريه جديد لأن الطفره خلتني أبيع الدمعه
المهم دقيت ورد حمود
قلت: هلا ياتيس بدون قرون
قال: هلا ياضب بدون عكره
قلت: حمود لك وإلا للذيب
قال: لاللذيب ليه
قلت: أخس يالرخمه أبك علي الحرام إن فنجالك مهومشروب
((مدري وش دخلهاذي الحين))
قال: ياولد أنت ماتعرف إلا أنا ياخوي مشاركني بحياتي
قلت: يابن الحلال الصديق وقت الضيق ووقتي حدني عليك أنت وأشكالك
...والله ويقوم حمود هوفيه هياط شوي قال أفا عليك بس آمر وأنا جيك أطامر
قلت ليه يالحبيب أرنب أنت يوم تطامر أناكل اللي أبيه تدورلي أي شغل أي شي
قال حمود خلاص أنا واحد من اللي أعرفهم بالدفاع المدني يبي واحدن زلابة مثلك تكملت عدد بس علشان تسوق فيهم الموتر،،،،قلت ماهي مشكله وأحد لاقي الوظايف الايام ذي المهم يوم أنتهينا وعلمني متى أروح والموعد
قلتله أسمع تراي غيرت جهازي
قال بوبو طيب وش تبيني أسويلك؟
قلت لا بس أعلمك إذا بغيتني بشي دق على برج العرب لاتدق على الدمعه لأني بايعه على واحد ثاني
(( يلعن أم أبو جد الدلاخه يارياجيل والله لويوظفونك جحا أصرفلك مع أن جحا أذكى شوي ))
المهم إني توكلت على الله ورحت للدفاع المدني وجيتهم ولبسوني بدله أحسن من حقت المطعم اللي أول وأنا وجهي بيتشقق من الوناسه اللي يشوفني يقول لوا بالطيران وإلابالبحريه مع أني والله مع جنبها حتى رتبه عسكريه ماعطوني يعني بالعربي صفرعلى الشمال بس خلني ساكت أحسن لايقضبوني الباب والله وأفلها لاحرايق يالله لك الحمد ولاشي قاعدن عند هالتلفون واستقبل إتصالات هالناس اي بنت تدق علي أقولها شوفي ممكن نتعرف وإلا انثبري محد جايك
وأووووه ياكثرهم اللي شبكت معهم ومره وحده تدق تقول تكفون تعالوأنقذوني بسرعه النارمن كل الجهات دقيقتين وأنتم عندي
قلت أي دقيقتين اللي معنا وايت مهو فيراري
ومره يدق علي واحد الفجر يقولي ياولد بيتنا أنحرق عجلو علينا واللي يرحم والديك ،،، قلت ياخوي أسمحلي هذا يومك خل إيمانك قوي بعدين وأنت لاقيها تموت شهيد (( أقولكم الظاهر نص المملكه ولعت والسبب أنا )) ولابعد مره من المرات وأنا في عزالنوم إلا الجرس يدق حق الحريق عندنا بالمبنى حق الدفاع والله ويقوموني قلت سلامات
قالو قم ياعنز ماتشوف النار
إلاوالنار مشتعله في كل المبنى وأنا اجيك أمشي طبلوني للتلفون قالو أخوياي وين بتروح أنت؟
قلت ولايهمكم أنا بدق على الدفاع المدني يجي
قالو سلامات يالثور حنا الدفاع المدني
قلت يلعن شكلكم كيف جيتو قبل مادق عليكم
(( د ل خ * 6 6 6 ))
والله ويناظرون في وقالو بالله أنت خبل وإلاشكلك كذا
قلت لاوالله أمي تقول شكلي كذا بس ليش؟
والله ويطنشوني ويطفون النار وتعود المياه لمجاريها
وكل شي يرجع لمحله
المهم عقب أسبوع من هالحادثه كنت أنا جالس ومروق وأغازل بالجوال داخلن جو ومعي بطاقة سوا بشحن للبنت اللي أكلمها على فكره تراها نفس البنت اللي أول الوكاد وأنا أكلمها فجأه إلاوجايني واحد من أخوياي قال أبك قم فيه بيت يحترق بجنبنا وأنت قاعد
وأنا أقول للبنت اللي أكلمها الظاهر إنك نحس كل ماجيت بشحنلك جتني مشكله قلت بس يالله إنقلعي والله وأسكر بوجهها وأنا أركب بالوايت حق الإطفاء وأدوووس والله بغيت اجيبه على البيبان بس قلت مهو وقته والله يوم جينا عند البيت لاهو صاير بيت على الفحم الظاهر أهل ذا البيت يتسبحون في بنزين
وأنا أنزل وأخوياي ولا صاحبة البيت عجوز خالصه وهي تصايح وتنادي قلت ياخاله لاتخافي لاتخافي نحن أبطال المطافي،...وهي تلتفت يمي العجوز وقالت والله والكوبه وإذا صرتو أبطال المطافي عاد والله لوإنكم أبطال الديجتال (( أهب ياهالعجوز مهي سهله ملكعه بقوه ))
قلت أحلا راعية افلام كرتون والله وأنا أطلع خمسه ريال وأعطيها واحد من اللي معنا قلت بالله رح جب ماء من البقاله عشان نلحق البيت لاينحرق كله (( بيت تبي تطفيه بماء صحه ماتحس إنها قويه شوي)) والله ويناظرون في الشباب وقالو أجل وها"اللي" اللي طوله مترين وشوله عشان يجيب الإف الأم
قلت لا بس أنا أحسبه للتليفون
(( أنا جبت العيد ))
الوكاد إن الرياجيل طفو النار وأنا زلابة رايح للبقاله بشتري بطاقة شحن لأن خويتي دقت علي (( وش ذا الخويه اللي ماتدق إلا بالمصايب ))
ومن عقبها أنواع الطلاب والهواش والتصفيق من أخوياي ومن مديرالدفاع ومن حمود بعد ماش فشلتهم كلهم عز الله إني ماني بوجه شغل أنا قايل من قبل أقرب مالها إني بموت والله وأتلها للديره
خلاص مالي وجه أقعد هنا
المهم إني يوم وصلت وأسلم على أهلي وأبوي ثم قال هاه بشر وش جبت معك
قلت هاك يايبه هذي80ألف كل الذي جبته ((منين جبتهم))
والله ويطيرون بالعجه أهلي وأبوي خلاص مايشوف أحد مثلي يقول كفو ياسعدون طول عمري أقول إنك ذيب
إيه الوكاد إني رحت لغرفتي ومعي بطاقة بشحن لخويتي اللي أول لاكن مامداني جلست وكشطت الرقم حق البطاقه إلا وأبوي داخلن علي يطالب ماشاالله أثرك بايع الموتر يمال الماحي وأنا أقول ذيب وأعرفه تخسى أنت حصني ويخب عليك يالفار
قلت يلعن أم البنت اللي كل ماجيت بشحنلها تصيرلي مشكله
قال أبوي أي بنت ؟
قلت مهو شغلك خل اللقافه عنك بعدين تراها عيب ماعلمك جدي بعدين يايبه يعني اكيد بايع الموتر أجل مشارك في سباق المشاهدين
المهم إن أبوي قلبها دبليوإف مصارعه على الطبيعه
وتصفيق وتلفيع وفجأه!!
بدون مقدمات
جا حمود خويي يقول نعنبو دارك شهرين أكلمك ولهالحين ماشحنتلي أنت وأبوك ياخوي اشحنولي وبعدين سوو اللي تبووووون؟
أفا أثره البنت اللي أكلمهاوأنا أقول ليه البنت ذي ماتدق إلا بالمصايب ولابعد يخوني مع أبوي والله وألتفت على ماي فاذر قلت يبه أنا وأخوي على ابن عمي وأنا وابن عمي على الغريب
شرايك نفحط بوجهه؟
قال أبوي أقول أنت وأخوك وابن عمك كلكم على تبن
والله ويتفل بوجهي ويطلع ((أفا بس يايبه راعي بنات الظاهر جدي ماعلمك مثلك يومنك ماعلمتني))
المهم وانا أروح أغسل وقلت لحمود خلاص ولايهمك بشحنلك انا تستاهل ياتيس بدون قرون
قال شكرا ياضب بدون عكره
المهم يوم جيت بشحنله
لا أمي داخلتن علي تقول ماشاالله أنا بالغصب تسلم علي والشغاله تدورها دوره
هذا اللي أنت جيدن فيه حبحبت الشغالات...
بس لحظه قبل ماتصفقني أمي أي واحد معه بطاقه يشحن لحمود.....
(عشره تكفي ترى هذا حده)
